Eolas Fúinne

Rinneadh www.eTenders.gov.ie a fhorbairt mar chuid de Straitéis an Rialtais Ríomh-Sholáthar a chur i bhfeidhm i Seirbhís Phoiblí na hÉireann. Tá an láithreán leagtha amach le bheith ina shaoráid lárnach d’údaráis chonarthacha uile na hearnála poiblí chun deiseanna soláthair a fhógairt agus fógraí maidir le dámhachtain conarthaí a fhoilsiú. Bainistíonn an tAonad Náisiúnta um Beartas Soláthair Phoiblí (NPPPU) de chuid na Roinne Airgeadais an láithreán. Socraíonn an tAonad seo beartas maidir le hábhar agus feidhmiúlacht an láithreáin, ach fágtar bainistiú agus cothabháil an láithreáin ó lá go lá, chomh maith le forbairt an láithreáin faoi chuideachta phríobháideach, Millstream Associates.

Gach lá ar an láithreán, taispeántar deiseanna soláthair uile na hearnála poiblí in Éirinn, atá á bhfógairt faoi láthair in Iris Oifigiúil an Aontais Eorpaigh (OJEU), chomh maith le conarthaí eile a mbíonn luach níos ísle i gceist leo agus a dhéanann na húdaráis dámhachtana a uaslódáil chuig an láithreán. In aon am ar leith, beidh na deiseanna oscailte uile ann, idir Fhógraí Tairisceana, Réamhfhógraí Táscacha ('Prior Indicative Notices', nó PIN) agus Fógraí Bronnta Conartha ('Contract Award Notices' nó CAN). Cuirtear doiciméid tairisceana ghaolmhara ar fáil freisin (más ann dóibh) ar féidir iad a íoslódáil ón láithreán.

Tá feidhm ag an láithreán lena bhféadfaidh Údaráis Dámhachtana fógraí a fhoilsiú air a sheolfar ar aghaidh ansin go huathoibríoch chuig an OJEU. Áirítear ar fheidhmeanna eile: saoráid chun soiléiriú a fháil ar líne trí shaoráid Ceisteanna agus Freagraí; feidhm lena bhféadfar tairiscintí a dhéanamh ar líne; saoráidí bainistíochta úsáideoirí agus fógraí d’údaráis dámhachtana; teachtaireachtaí foláirimh ar ríomhphoist agus saoráidí bainistíochta freagraí do sholáthróirí. Tá feidhmeanna freisin ar an láithreán do chuardach cuimsitheach i ndáil le fógraí agus do chabhair. Cuirtear eolas cuimsitheach ar fáil freisin ar www.etenders.gov.ie maidir le rialacha agus treoirlínte soláthair. Tá Treoracha Eorpacha agus Treoirlínte Náisiúnta maidir leis na bPróiseas Soláthair Phoiblí san áireamh orthu sin. Tarraingítear míreanna nuachta ar aird ar an láithreán, a d’fhéadfadh a bheith ina n-ábhair spéise do na daoine sin a bhfuil baint acu le soláthar agus cuirtear nuachtlitir leictreonach (ríomh-iris) dhémhíosúil ar fáil freisin.

Tugann an láithreán an deis líon na soláthróirí chuig Earnáil Phoiblí na hÉireann a d’fhéadfadh a bheith ann a leathnú. Ní ghearrtar aon táille ar údaráis dámhachtana ná ar sholáthróirí don tseirbhís seo; agus is féidir leis na bpobal an láithreán a úsáid saor in aisce chomh maith.